ACTIVIDADES E CATEGORÍAS

As nosas actividades están abertas a alumn@s dende os 6 ata os 99 e están divididas en varios grupos e categorías:

                                        MINIESGRIMA (6-8 anos)
A Escola Hungaresa achega a esgrima aos máis cativ@s, para que se familiaricen coas pautas e conceptos elementais a través de xogos e exercicios de esgrima e o emprego de material específico para nen@s como sabres e caretas de plástico, así como sabres láser.

Entre outros contidos destacan os seguintes:
- Aprendizaxe de posicións, desprazamentos, ataques e defensas elementais de esgrima.
- Adquisición dos conceptos elementais de tempo, distancia e ritmo.                                                                                                 - Fomento dos valores de respecto, disciplina, compañeirismo, afouteza e humildade, propios do noso club e inherentes á esgrima.
- Promoción de hábitos de vida saudable.                                                                                                                                          - Coñecemento elemental do regulamento e normas de comportamento da esgrima. 

                                

                    CATEGORÍAS M-11 (9-10 anos) M-13 (11-12 anos)
A Escola Hungaresa achega a esgrima aos nen@s de 8 a 12 anos, para que se familiaricen coas pautas e conceptos básicos a través de xogos e exercicios de esgrima e o emprego de material específico para nen@s como sabres e caretas de metal, así como sabres láser.

Entre outros contidos destacan os seguintes:
- Aprendizaxe de posicións, desprazamentos, ataques e defensas básicas de esgrima.
- Adquisición dos conceptos básicos de tempo, distancia e ritmo.                                                                                                      - Fomento dos valores de respecto, disciplina, compañeirismo, afouteza e humildade, propios do noso club e inherentes á esgrima.
- Promoción de hábitos de vida saudable.                                                                                                                                          - Coñecemento básico do regulamento e normas de comportamento da esgrima.

                                 

          CATEGORÍAS M-15 (13-14 anos) M-17 (15-16 anos) M-20 (17-19 anos)
Esgrima de lecer e de competición para moz@s de 13 a 19 anos. Clases e adestramentos de iniciación, perfeccionamento e tecnificación.

Entre outros contidos destacan os seguintes:
- Aprendizaxe de posicións, desprazamentos, ataques, contraataques e defensas básicas e complexas de esgrima.
- Adquisición dos conceptos básicos e complexos de tempo, distancia e ritmo.                                                                                   - Fomento dos valores de respecto, disciplina, compañeirismo, afouteza e humildade, propios do noso club e inherentes á esgrima.
- Promoción de hábitos de vida saudable.                                                                                                                                          - Coñecemento profundo do regulamento e normas de comportamento da esgrima.

                       ESGRIMA PARA ADULT@S (maiores de 20 anos)
Esgrima de lecer e de competición para maiores de 20 anos. Clases e adestramentos de iniciación, perfeccionamento e tecnificación.

Entre outros contidos, no grupo de adult@s poderás:                                                                                                                          - Realizar unha actividade física e mental, técnica e táctica que resulta moi saudable e divertida.
- Aprender unha técnica secular que proporciona coordinación, concentración, ritmo, axilidade...
- Desconectar da rutina diaria, relaxarse, distraerse e practicar unha actividade entretida.
- Coñecer xente e formar novas amizades a través dunha práctica común.

@s adult@s tamén poden competir en torneos autonómicos, nacionais e internacionais, existindo un circuito de competición moi amplo e variado de categoría senior e veteráns.

                 ESGRIMA A CEGAS (esgrima adaptada á discapacidade visual)
Esgrima de lecer e de competición para persoas con discapacidade visual recoñecida. Clases de iniciación, perfeccionamento e tecnificación. Aprendizaxe das pautas e conceptos básicos así como das técnicas complexas e especializadas que permitan alcanzar un nivel óptimo, podendo participar en eventos de ámbito autonómico, nacional e internacional.   

                                  

          

              ESGRIMA HISTÓRICA (Artes Marciais Históricas Europeas)
H.E.M.A. (Historical European Martial Arts) é unha modalidade de esgrima que recupera a práctica con réplicas de armas antigas.                                                                                                                                                                                           Clases e adestramentos de iniciación e perfeccionamento con distintas armas (espada longa, espada roupeira, sabre clásico). Aprendizaxe das pautas e conceptos básicos así como das técnicas complexas e especializadas que permitan alcanzar un nivel óptimo, podendo participar en eventos deportivos e de recreación histórica de ámbito autonómico, nacional e internacional.

Complementando a práctica cotiá da esgrima e os adestramentos, a Escola Hungaresa pretende dar a coñecer a disciplina fomentando a organización de torneos, obradoiros de iniciación e tecnificación, exhibicións públicas e representacións de esgrima escénica e teatral.